Komaren edo puntuaren ondoren, utzi behar da zuriunerik? Eta aurretik?

• Nahi bazenu_,berehala etorriko zinateke. (Txarto)  
• Nahi bazenu_, berehala etorriko zinateke. (Txarto)
• Nahi bazenu,berehala etorriko zinateke. (Txarto)
• Nahi bazenu, berehala etorriko zinateke.  (Ondo)

Puntuaren, komaren, puntu eta komaren eta bi puntuen aurretik, ezin da zuriunerik utzi; ondoren, berriz, utzi behar da zuriunea.

 Eta etenpuntuen aurretik?

• Denak etorri ziren Lorearen festara: Nati, Luisa, Tere, Natxo, Santi_… (Txarto)
• Denak etorri ziren Lorearen festara: Nati, Luisa, Tere, Natxo, Santi… (Ondo)

Etenpuntuen aurretik, zuriunerik ez. Badakizue hurrengorako...

Eta galdera- eta harridura-marken aurretik?

• Zergatik erabaki zenuen hauteskundeetara aurkeztea_? (Txarto)
• Zergatik erabaki zenuen hauteskundeetara aurkeztea? (Ondo)

Galdera- eta harridura-marken aurretik, zuriunerik ez!

Eta parentesiekin, marra parearekin eta komatxoekin, nola jokatu?

•  Joanes Etxeberri (_Sara, 1668 - Azkoitia, 1749_) euskal idazlea eta sendagilea izan zen. (Txarto)
• Joanes Etxeberri (Sara, 1668 - Azkoitia, 1749) euskal idazlea eta sendagilea izan zen. (Ondo)
•  «_Maitea, non zara? –_galdetu zion Joanesek_–. Nik ez zaitut ikusten_» (Txarto)
•  «Maitea, non zara? –galdetu zion Joanesek–. Nik ez zaitut ikusten» (Ondo)

 Parentesiak, marra parea eta komatxoak, «besarkatzen» duten testuari pega-pega eginda.