Ez adiorik

 ジャマイカの日我々は勝った冬の夏

Jamaika yu hi

Wareware wa katta

Fuyu no natsu

Merezi dugu.
Hamaika gau Jamaikan.

Neguan, uda

Japoniatik heldu zaigun haiku (俳句) horrekin esango dizuegu agur, baina ez adiorik. Urtarrilean bueltatzen garenean, berriz ere izugarrizko entusiasmoa jarriko dugu gure lanean, eta zuek ere bai.

IRALEren kontsulta zerbitzua

Hasiko zarete galdezka, eta guk poz-pozik, azkar-azkar eta ahalik eta argien erantzungo dizuegu.

• Nola esaten da cabalgata?
• Elhuyaren, Zehazkin eta Labayrun begiratu dugu, eta...
• Ondo itzuli dut...?
• Bai, baina uste dugu hobetu egin daitekeela, honela: (...)
• Marratxoa behar du burdin meak?
• EIMAren estilo-liburuak eta Euskaltzaindiaren 25. arauak diotenaren arabera, (...)
• Non begiratu dezaket nola idatzi testuak bi hizkuntzetan?
• IVAPeko estilo-liburuan oinarrituta, honelakoak proposatzen ditugu.
• Badago materialik euskarazko onomatopeiak lantzeko?
• Jo ezazu EIMA katalogora, eta...
• Zuzenduko didazue ikastetxeko Hizkuntza Proiektua?
• Bai, jakina.
• Ez dut ulertzen Euskaltzaindiaren 34. araua.
• Gure datu-basean, badaukagu horren gaineko artikulutxo bat idatzita, baina saiatuko gara argiago azaltzen adibide gehiagorekin.

Eta horrela!

Bistan da ez zaituztegula bakean utzi nahi ezta Eguberrietan ere. Hamaika esteka (10+1) jarri dizkizuegu: debereak –garai batean maisu-maistrek agintzen zizkiguten bezala–.

Oharrak:

1. Ez egin klik jamaika (h-a ajoskatzen jasi gara, bat-batean!) esteka horietan urtarrilaren bigarren hamabostaldira arte (ez gara nor oporretarako etxeko lanak agintzeko). 
2. Hala ere, ez esan inori, baina bakazioetan aldean eramaten ditugu ordenagailua, tableta, telefoninoa, Euskaltzaindiaren hiztegia –oraingoz, paperean bakarrik dago–... (lanabes guztiak!). Egunean hiruzpalau aldiz begiratzen dugu ea kontsultarik dagoen; beraz, badakizue: behar izanez gero, kasu egingo dizuegu Jamaikatik bertatik.