*Suitzalgailu okerraz eta mugagabe okerraz (*Larriunetan) gain —luzitu egin dira kartel honetan—, “Zure segurtasunerako dira, surik izatekotan” ere irakurtzen dugu.
Jakina, “-tzekotan” baldintzazkoa da-eta…
Bai, egia da: baldintzazkotzat har daiteke, Euskaltzaindiaren
Euskal
Gramatika. Lehen Urratsak-VII liburuan ageri den bezala, baina, ondo asko
esaten digutenez 240.-241. orrialdeetako laburpenean, “helburuzko balioa adierazteko erabiltzen dira gehienetan”. Hortaz,
tentuz erabili behar helburuzko esanahia eman nahi ez badiogu:
- Mediku izatekotan, ez duzu dagoeneko medikuntzarik ikasi behar. ≈ Medikua izateko asmotan, ez duzu dagoeneko medikuntzarik ikasi behar. (Petrikilo izanda, nahikoa!)
- Dirurik lapurtzekotan, deitu poliziari. ≈ Dirurik lapurtzeko asmotan, deitu poliziari. (Tira! Hori egia izan daiteke!)
Duda barik, hor borondaterik azaltzen ez duen baldintza
behar dugu:
- Medikua bazara, ez duzu dagoeneko medikuntzarik ikasi behar. / Medikua izanez gero, ez duzu dagoeneko medikuntzarik ikasi behar.
- Dirurik lapurtu badizute, deitu poliziari. / Dirurik lapurtuz gero, deitu poliziari.
- Basora joatekotan, goiz jaiki behar dugu. ≈ Basora joan nahi/behar badugu, goiz jaiki behar dugu.
- Bakea lortzekotan, hobe dute denak meditatzen jesartzea. ≈ Bakea lortu nahi badute, hobe dute meditatzen jesartzea.
Izan ere, -t(z)ekotan-ek
baldintza adierazten duenean, halako borondatezko baldintza kutsua hartzen du:
- Liburua utziko dizut, bihar itzultzekotan. ≈ bihar itzultzeko borondatea baduzu.
- Oporretan Myanmarrera joango gara, baina meditatzekotan. ≈ meditatzeko asmoa badugu.
Kontsulta-zerbitzuko kideak, iluminazioa aurkitzekotan
Hortaz, metrora itzulita:
- Zure segurtasunerako dira, surik izanez gero.
Goiko hau zuzendu zuten...
Myanmarrerako trena hartu aurretik egin kasu lagun matrakari
ErantzunEzabatu